ክቡር አምባሳደር ድሪባ ኩማ ከስዊድን የውጭ ጉዳይ ሚኒስትር ጋር ተወያዩ

sweden mfa 2በስዊድንና በሌሎች የኖርዲክ ሀገራት የኢ.ፌ.ዴ.ሪ ባለሙሉ ስልጣን አምባሳደር ድሪባ ኩማ ከስዊድን የውጭ ጉዳይ ሚኒስትር  Ms. Margot Wallström ጋር እ.ኤ.አ May 3 ቀን 2019 የሁለቱን አገራት ግንኙነት ማጠናከር በሚቻልባቸው ጉዳዮች ዙሪያ ተወያይተዋል።

የውጭ ጉዳይ ሚኒስትሯ በዚሁ ወቅት እንዳሉት በኢትዮዽያ በርካታ መልካም ለውጦች እየተካሄዱ ያሉ እና ወደ ጥሩ የዲሞክራሲ ሂደት እየሰጓዘች ያለ መሆኑን፣ አዲሱ የጠቅላይ ሚኒስትር ዶ/ር አብይ ካቢኔ ግማሽ በግማሽ ሴቶች መሆናቸው የሴቶችን ተሳትፎ ለማሳደግ የተሰራው ስራ በጣም ጥሩ መሆኑን እና አገራቸው ከኢትዮጵያ ጋር ያላትን የጠበቀ ወዳጅነት እና ትብብር  የበለጠ ለማጠናከር እንደምትሰራ ገልፀዋል። የስዊድን ኩባንያዎችን አሁን በኢትዮዽያ ውስጥ የተፈጠረው ምቹ ሁኔታ ተጠቅመው ኢንቨስት እንደሚያደርጉ እተማመናለሁ ብለዋል፡፡

ክቡር አምባሳደር ድሪባ ኩማም በበኩላቸው በኢትዮጵያ እየተካሄደ ያለው ሁለንተናዊ ለውጦች እና አመርቂ ውጤቶችን  ገልፀው በዚሁ ዙሪያ ሁለቱ ሀገራት የበለጠ ተቀራርበው እንደሚሠሩና በዚህም የበኩላቸውን ሚና እንደሚጫወቱ   ገልፀዋል፡፡