GERD
GERD

Purchase the Bond and Put your Finger Print!

11th Nation and Nationality Day

Explore Ethiopia
Explore Ethiopia

A Country of Many Contrasts

Ahmaric News

ዴንማርክ ለአፍሪካ የሰላም ማስከበር ተልዕኮ ድጋፏን እንደምትቀጥል አስታወቀች

የመንግሥታቱ ድርጅት አሁን ላይ በሁሉም አህጉራት ካሰማራቸው 15 የሰላም ማስከበር ተልዕኮዎች መካከል ስምንቱ በአፍሪካ ሲሆኑ በሶማሊያም የአፍሪካ ኅብረት ሰላም አስከባሪ ሃይል ተልዕኮውን በመወጣት ላይ ይገኛል።

ለዚህም ድርጅቱ በመጪው ሰኔ ወር የሚጠናቀቅ ለአስር ወር የሚቆይ 6 ነጥብ 8 ቢሊዮን ዶላር በጀት የመደበ ሲሆን ከ50 በመቶ በላይ የሚሆነው ወጪ አፍሪካ ውስጥ እንደሚሆን መረጃዎች ያሳያሉ።

ይህም አህጉሪቱ በአሁኑ ወቅት ካሉባት ችግሮች መካከል፤ የሰላም ማስከበር ከፍተኛ የፋይናንስ ወጪ ቀዳሚውን ሥፍራ ይይዛል።

በአፍሪካ ህብረት የዴንማርክ አምባሳደር ሜቴ ታይገሰን ለኢዜአ  እንዳሉት አገራቸው በአፍሪካ የተሻለ ሰላም እንዲፈጠር ድጋፏን አጠናክራ እንደምትቀጥል ተናግረዋል።  ዴንማርክም ይህንን ከግምት በማስገባት ከአስር አመታት በላይ ለአፍሪካ ኅብረትና ለመንግሥታቱ ድርጅት የፋይናንስና የአቅም ግንባታ ድጋፍ ማድረጓን ገልጸዋል።  እንደ አውሮፓውያኑ አቆጣጠር ከ2004 ጀምሮ ዴንማርክ ለአህጉሪቱ የሰላም ማስከበር ተልዕኮ ከ100 ሚሊዮን ዶላር በላይ የገንዘብ ድጋፍ ማድረጓን ለአብነት ጠቁመዋል።

የአቅም ግንባታ ሥልጠናንም በተመለከተ ለጋናው የኮፊ አናን፣ ለኢትዮጵያና ለኬንያው የሠላም ማስከበር ሥልጠና ማዕከል ድጋፍ ማድረጋቸውን ተናግረዋል።  በመሆኑም ይህንንም ድጋፍ አጠናክሮ በመቀጠል በተለይም ለአፍሪካ ችግሮች አፍሪካዊ መፍትሄ እንዲሰጥ ዴንማርክ እንደምትሠራ ገልጸዋል።  ዴንማርክ በተለይም የአፍሪካ ኅብረት የሰላምና ደኅንነት ስትራቴጂ ተግባራዊ እንዲሆን በማድረግ በአኅጉሪቱ የደህንነት ችግሮች ላይ አፍሪካዊ መፍትሄ ለማምጣት ከኅብረቱ ጋር እንደምትሰራ አስረድተዋል።

የአፍሪካ ቀጠናዊ የኢኮኖሚ ማኅበረሰብ አህጉራዊ መፍትሄ በመፈለግ ውጤታማ እንዲሆኑም ከዓለም ዓቀፉ ማኅበረሰብ ጋር ዴንማርክ እንደምትቆም አብራርተዋል።

በሌላ በኩል ዴንማርክ የአፍሪካ ኅብረት ፋይናንስን በተመለከተ በሩዋንዳው ፕሬዚዳንት ፖል ካጋሜ የሚመራውን የማሻሻያ ኃሳብ  እንደምትደግፍ አምባሳደሯ ጠቁመዋል።

ይህም በተለይም የአህጉሪቱን ሰላም ማስከበር ተልዕኮ በአህጉራዊ የሰላም መርኃ ግብር መሰረት ከዳር ለማድረስ ሚናው የጎላ እንደሚሆን ነው አምባሳደሯ የተናገሩት።  ያም ሆኖ በአሁኑ ወቅት በማሊ፣ በሶማሊያ፣ በደቡብ ሱዳን ያለው የጸጥታ ችግር አገራቸው እንደሚያሳስባት ጠቁመው ለመፍትሄውም ርብርብ እንደምታደርግ አምባሳደሯ አረጋግጠዋል።

ምንጭ፡ ኢዜአ

dbce2d6fa128267b0e6fa279c3f9ba65_XL